VANDERBIJLPARK – Die Suid-Afrikaanse MMA Nasionale Kampioenskap, wat van 30 April tot 3 Mei plaasvind, het die afgelope twee dae vir reuse opwinding by die Mighty Warrior Family Academy for Combat opgelewer.

Die land se beste hokvegters en gemengde gevegkunstenaars het mekaar met mening aangedurf en die paramedici oortyd laat werk.

Om die skouspel van gemengde gevegkuns te aanskou, kos slegs R100 per persoon per dag. Die gevegte skop weer môre-oggend om 10:00 af en die laaste geveg sal waarskynlik om 16:00 plaasvind.