VEREENIGING – Die eerste rugbyspan van Vereeniging Rugbyklub het gistermiddag op sy tuisveld sy veldtog in die Valke Peregrine-liga met ’n reuse-oorwinning van 69–7 oor Benoni afgeskop.

Die binnesenter, André Haarhoff, was ’n doring in die besoekers se vlees en het vier keer gaan druk. Die flank Piet Nel, wat as plaasvervanger op die veld gedraf het, is as die Speler van die Wedstryd aangewys. Brandan Hewitt het voorts sewe doelskoppe suiwer deur die pale gejaag.