VANDERBIJLPARK – Die gebore en getoë Vaaldriehoeker Marione Fourie, die SA hekkie-kampioen, het pas haar stempel op die internasionale atletiekarena afgedruk toe sy ‘n blitsige tyd van 12,62 sekondes gehardloop het om vierde in die vroue 100m-hekkies by die Rabat Diamond League ye eindig.

Fourie het teen van die wêreld se beste atlete meegeding en met ‘n indrukwekkende vertoning haar vinnigste tyd van die seisoen aangeteken.

Sy het ook die voormalige wêreldrekordhouer, Kendra Harrison, geklop en gewys dat sy op die regte tyd haar beste vorm bereik.

Die wedloop isdeur Tobi Amusan in 12,28 sekondes gewen, gevolg deur Devynne Charlton (12,40) en Nadine Visser (12,47), terwyl Fourie se 12,62 sekondes haar ‘n uitstekende vierde plek besorg het.