MEYERTON – Niel Erasmus van Die Ratels Krieketklub het die afgelope naweek sy naam in die Jozi Cup 2026 se rekordboeke in vet drukletters neergepen nadat hy as die Waardevolste Speler van die Wedstryd (MVP) aangewys is ná ’n indrukwekkende vertoning teen Vereeniging.
Erasmus het ’n onoorwonne 122 lopies van slegs 62 afglewerings aangeteken en die Vereeniging-boulaanval van die eerste tot die laaste boulbeurt oorheers. Sy beurt is tans die hoogste individuele telling wat nog in die vyfde uitgawe van die Jozi Cup aangeteken is.
Met kragtige grenshoue en uitstekende kolfwerk het Erasmus ’n sleutelrol gespeel in Die Ratels se sege . Sy vertoning het nie net die wedstryd se uitslag bepaal nie, maar ook die standaard vir die res van die toernooi daargestel.
