VEREENIGING – Van die land se voorste amateurgholfspelers is vandeesweek by Maccauvlei Gholfklub in aksie vir die gesogte Harry Oppenheimer-trofee, een van Suid-Afrika se oudste en mees gesogte amateurgholftoernooie.

Die 54-putjie houespeltoernooi wat van 8 tot 10 Junie plaasvind sit ‘n trotse tradisie voort wat reeds oor meer as ses dekades strek.

Deur die jare het talle van Suid-Afrika se beste amateurgholfspelers om die gesogte trofee op die historiese baan langs die Vaalrivier meegeding. Die kampioenskap bly steeds een van die hoogtepunte op die nasionale amateurgholfkalender.

Verlede jaar se titel is deur Jere Brits gewen.

Met nog ‘n sterk deelnemersveld wat vanjaar in aksie is, kan gholfliefhebbers uitsien na drie dae van gholf van hoogstaande gehalte terwyl spelers meeding om een van die mees gesogte titels in Suid-Afrikaanse amateurgholf.