VANDERBIJLPARK – Twee personeellede van die Hoërskool Transvalia is gekies om gedurende die Julie-vakansie as afrigters vir Valke-rugbyspanne op te tree.

Tommy Roos sal as hoofafrigter van die Valke se o16 Doom Gouws-weekspan optree, terwyl Andries Erasmus as voorspelerafrigter van die o16 Grant Khomo-weekspan aangestel is.

Die aanstellings plaas albei afrigters in sleutelrolle by twee van die land se voorste jeugrugbytoernooie, waar jong talent die geleentheid kry om op die hoogste vlak mee te ding.