VANDERBIJLPARK – Die vraag oor wie as die Noordvaal o.14-hokkiekampioen gekroon gaan word, sal Maandag op Curro Vanderbijlpark se astrobaan beantwoord word.
Curro Vanderbijlpark is van 7 tot 10 Augustus gasheer vir die gesogte Noordvaal o.14 Groot A-meisieshokkietoernooi waaraan 12 van die land se voorste skole deelneem.
Die toernooi begin Vrydag met poelwedstryde, waarna die uitspeelrondes Sondag beslis word voordat die eindstryd Maandag om 14:15 plaasvind.
Onder die deelnemende skole tel onder meer Hoërskool Transvalia, Hoërskool Monument, Hoërskool Noordheuwel, Potchefstroom Gimnasium, Hoërskool Nelspruit, Hoërskool Zwartkop, Hoërskool Montana, Volkskool Heidelberg, Hugenote en Mersensky Landbou Akademie.
At Caxton, every story is written by humans. We use AI only to perform quality checks - never to generate the news. Happy reading!
