VANDERBIJLPARK – Die eerste krieketspan van die Heidelberg Volkskool het Saterdag op die Hoërskool Driehoek se tuisveld die gasheer oortuigend met 74 lopies geklop.
Die besoekers het 222/10 in 44.3 beurte aangeteken danksy goeie kolfwerk deur Marlo Schoeman (51), Darius Sneyders (39) en Kian Vorster (26*).
Vir die tuisspan het sy boulers Chris Saayman (4/31), Leonardo Visser (4/36) en Duan Taljaard (1/40) goed geboul. Die tuisspan is daarna in die 43ste beurt vir 148/10 uitgeboul.
Vir Volkies het Francois Smith (3/33), Kehan Baird (2/18) en Marlo Schoeman (2/25) die meeste skade aangerig.
At Caxton, every story is written by humans. We use AI only to perform quality checks - never to generate the news. Happy reading!
