MBOMBELA – ’n ouerpaar van Barberton wat op 23 November 2013 weens die beweerde besit van kinderpornografie gearresteer is, het Vrydag weer in die Nelspruit Streekshof verskyn.
Die pa (37) en ma (33) het glo beoog om ‘n selfoon te verpand aan die plaaslike Cash Converters, waartydens daar op pornografiese
videomateriaal van hul sewejarige dogtertjie afgekom is.
Die winkeleienaar het die polisie se eenheid vir gesinsgeweld, kindermishandeling en seksuele misdrywe (GKS) geskakel en die
ouers is summier gearresteer.
Nadat hulle op 25 November 2013 in die Nelspruit Distrikshof verskyn het, is borg aan die beskuldigdes toegestaan. Die saak sou Vrydag hervat, maar is uitgestel tot 14 November. Volgens Me Magda Marais, die staatsaanklaer in die saak, is die rede hiervoor dat die beskuldigdes ‘n advokaat wil aanstel om hulle te verteenwoordig.
