MBOMBELA – Familielede gaan deur hel nadat mnr. Chris James(27) op 1 Desember as vermis by die polisie in eMalahleni (Witbank) aangemeld is.

Die soektog na James het onlangs vrugte afgewerp nadat ‘n wit Chevrolet Spark met ooreenstemmende registasienommer met James se voertuig, vanmiddag in ‘n plantasie naby Sabie gevind is.

Dit is bevestig deur Konst. Millicent Mdaka, die ondersoekbeampte. Sy het bygevoeg dat die voertuig deur Tracker opgespoor is.  

Sy suster, Sylvia glo vas dat James  vir sy vriendin Lucia, waarvoor hy baie omgee, in Mbombela kom kuier het. Alhoewel sy voertuig gevind is, is hy steeds soek.

“Hy is definitief nie land uit nie, want sy paspoort is steeds hier by my,” sê Sylvia. Die polisie is tans besig om James se foonrekords na te gaanvir moontlike leidrade.

james het ‘n tattoeërmerk op sy linkerarm wat lees: “Against the grain”.

Vandat die foto van James geneem is, is ligstrepies in sy hare gesit. Indien jy enige inligting het, kontak Sylvia Dick by 072-373-7559 of stefan@lowvelder.co.za.