BHS-atlete presteer puik by provinsiale kompetisie

Agt atlete van Hoërskool Barberton het onlangs aan die jaarlikse Mpumalanga-atletiekkampioenskappe op Secunda deelgeneem en die hoof van BHS, Pieter Ferreira het hulle en hul afrigter, Hester Viljoen, hartlik gelukgewens.

Van die besonderse prestasies wat behaal was, was soos volg:

1. Marlouise Geyer, dogters o/15-gewigstoot – 9,34m, negende plek
2. DJ Raulstone, seuns o/17-driesprong – 13,48m, derde plek (brons)
3. DJ Raulstone, seuns o/17-verspring – 6,33m, vierde plek
4. Corlia van der Merwe, dogters o/17-spiesgooi – 35,68m, vierde plek
5. Corlia van der Merwe, dogters o/17-verspring – 5,09m, tweede plek (silwer)
6. Sharné Landman, dogters o/19-spiesgooi – 28,40m, tweede plek (silwer)
7. Sharon Smit, dogters o/17-hamergooi – 24,30m, eerste plek (goud)
8. Anrie van der Merwe, dogters o/19-verspring – 5,03m, vierde plek
9. Anrie van der Merwe, dogters o/19-100m H – 15,86sek., eerste plek (goud)
10. Banele Shabangu, dogters o/15-100m – 12,68sek., tweede plek (silwer)
11. Banele Shabangu, dogters o/15-hoogspring – 1,50m, tweede plek (silwer)
12. Banele Shabangu, dogters o/15-200m – 26,40sek., eerste plek (goud)
Banele neem as o/14-dogter deel in die o/15-kompetisie.

Die volgende atlete het ook gekwalifiseer om aan die komende SA Kampioenskappe deel te neem:
• SA Mpumalanga-skolespan – Na SA Skolekampioenskappe in Bloemfontein:
Anrie van der Merwe, DJ Raulstone en Banele Shabangu.
• Mpumalanga Junior span na SA Juniorkampioenskappe in Germiston:
Corlia van der Merwe en Banele Shabangu.