Malalane se Hervormers hou behoorlik basaar
Op Vrydag 27 Mei het die Nederduitsch Hervormde Kerk weer sy jaarlikse basaar gehou.
Die basaar was ‘n geleentheid met hope aandete-opsies, lekkernye vir die soettand, vermaaklikhede vir die kinders, en ‘n sinlike stalletjie om jou groente- en vrugtevoorraad aan te vul. Musiek was volop met Die Laevelders, gevolg deur Werner D’Hollander en Wynand van Staden.
Vir die veiling was daar onder andere wyn, rooibokke en ‘n paar vliegritte beskikbaar. Soos altyd was dit ‘n geleentheid waar die hele gemeenskap hand bygesit het en kom ondersteun het.
LEES OOK: Bydraes vir kermis word waardeer
Bomavure het tot laat gebrand en warm gesprekke het die koue van die aand amper onwetend verdryf.
“Soveel mense het bygedra om hierdie aand ‘n sukses te maak en ons kan nie genoeg dankie sê vir elke rand, stukkie energie en tyd wat aan hierdie basaar bestee is nie. Ons wil wel graag die sakeondernemings in die gemeenskap vir hul ondersteuning en bydrae bedank.
“Merk Mei op die kalender vir aanstaande jaar. Dan maak ons weer so,” sê ds. Thomas Dreyer.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
