Hoërskool Nelspruit se matrieks geniet glansryke afskeidsaand

Hoërskool Nelspruit se matriekafskeid was vanjaar beslis een vir die boeke.

August 6, 2022

Linzetta Calitz 1 minute read

Vanjaar se NHS-matriekafskeid was beslis een van dié skool se mooistes, indien nie die mooiste een ooit nie.

Bessie Breytenbach, die organiseerder, en die gr. 11-ouerkomitee het Saterdag se glansgeleentheid beide spesiaal en onvergeetlik gemaak.

Kavinga Guest House & Wedding Venue net buite Mbombela is in ‘n magiese toorbos omskep. Die tafels is elegant met pragtige groenighede gedek en die saal met duisende liggies en kerse versier. Daar was ook ‘n groot dansbaan buite die saal.

ALSO READ: Buscor bus with 60 passengers in accident in Mbombela

Tydens die aankoms by die skool was daar ‘n verskeidenheid spogmotors – van klassiek tot splinternuut. Die seuns is netjies in deftige pakke uitgevat en die meisies in pragrokke. Hierdie jaar was groen definitief die modeneiging, so asof hulle een met die toorbos wou wees.

Na afloop van die aankoms is die leerders met busse na Kavinga geneem waar hulle die betowering in al sy glorie kon ervaar. Gedurende die aand het die klas van 2022 saam gekuier, gedans en gelag – waarlik ‘n geleentheid om hul menswees en jonkwees te vier.

Die skool het al die borge, sonder wie die aand nie moontlik sou wees nie, hartlik bedank.