Seisoen om te blom-geleentheid ’n sukses
Die dames het koekies geniet en wenke oor lewensukses gedeel. ’n Oorvloed geskenke is tydens gelukkige trekkings aan die deelnemers, oud en jonk, oorhandig.
STEELPOORT – Geklee in kleurvolle rokke en hoede het plaaslike vroue Saterdag die lente met tee by die AGS Kerk geniet.
Die saal was kleurvol versier met helder blomme. Die geleentheid se tema was “’n Seisoen om te blom”.
Die dames het koekies geniet en wenke oor lewensukses gedeel. ’n Oorvloed geskenke is tydens gelukkige trekkings aan die deelnemers, oud en jonk, oorhandig.
Buitemuurse aktiwiteite soos sang en dans en prettige speletjies is aangebied. Stalletjies wat juweliersware, hoede,
parfuum, trourokke, eetgerei en vele meer toebehore vir vrouens verkoop het, was in oorvloed.
Je-ani Swiegelaar, aktrise van Binnelanders, het die vroue aangemoedig om met hulself in die lewe mee te ding.
“Werk hard om sukses te behaal, studeer en verbeter jouself. Glo in jouself en beloon jouself na elke sukses.
Moenie toelaat dat iemand sê jy kan iets nie doen nie – probeer om suksesvol te wees. Beplan alles in jou
lewe en wy ook tyd aan jou gesin.”
Meer as 200 vroue het die geleentheid bygewoon. Die organiseerders het al die deelnemers en borge bedank.
