Kruger se lot steeds onbeslis
Me. Martie Kruger sal nog langer moet wag vir haar saak om aangehoor te word. Sy is vroeër vanjaar vir die skietdood van haar man, mnr. Hennie Kruger, aangekla.
MALALANE – Me. Martie Kruger (47) sal nog langer moet wag vir haar saak om aangehoor te word. Sy is vroeër vanjaar vir die skietdood van haar man, mnr. Hennie Kruger (50), aangekla.
Die saak is tot 27 Januarie die aanstaande jaar uitgestel en na die Barbertonse streekhof oorgeplaas.
Die voorval het op 12 Mei by die Krugers se huis in Maroelastraat plaasgevind. Polisie, sekuriteitsbeamptes van Hi-Tech, inwoners en werknemers het op die toneel toegesak ná die nuus van mnr. Kruger se dood in die dorp versprei het. Werknemers en me. Kruger se twee seuns het haar tydens haar arrestasie en by die polisiestasie bygestaan. Sy het haar eerste nag in die selle deurgebring.
Me. Kruger was ná die voorval in ‘n toestand. Sy het aan Corridor Gazette gesê dat vuurwapens gevaarlik is en dat ongelukke vinnig gebeur.
