KAAPSHOOP – Verskeie dorpenaars het kom help toe nog ‘n stewige, sterk merrie die naweek vir ‘n ernstige wond behandeling moes kry.

Die merrie was bekend as Misty se ma, so genoem na haar vul wat in Oktober in Kaapsehoop se hoofstraat gebore is. Verskeie dorpenaars het  ‘n handjie kom bysit, onder andere mnr. Jan Henning (heel regs) sowel as besoekers soos mnr. Roux Burger (links agter). Charlotte en Willie Kleynhans sowel as Jaco Slabbert (nie op die foto nie) het ook gehelp. Foto’s: Jaco Slabbert.

SIEN hoe Misty se ma se wond versorg word

Sy moes egter later uitgesit word. Haar verlies is ‘n slag vir die trop wilde perde, aangesien die aantal merries tot hingste reeds buite verhouding is – dit ly tot gevegte waarin hingste ernstig beseer word. Met ‘n sensus is daar bevind dat daar onder die ongeveer 200 wilde perde 180 hingste en 20 merries is.

SIEN hoe Misty en haar ma kort na haar geboorte in Oktober 2016 gelyk het

Haar besering is tydens Paasnaweek aangemeld. Sy is deurgaans gemonitor want omdat sy dragtig was, kon sy nie sommer voor die voet met ‘n doofpyl geskiet word nie.

LEES meer oor Van Niekerk se vrywilligerswerk met die wilde perde

Die merrie moes egter uitgesit word nadat ‘n ondersoek van die wond op haar linker agterbeen getoon het dat sy erg ly.

“Dit was nie ‘n maklike besluit nie, maar ons wou haar nie deur onnodige pyn en lyding sit nie,” sê Van Niekerk.

Die oumagrootjie van die trop wat onverwags weer gevul het.

Misty se ma is deel van ‘n trop waar die oumagrootjie verlede week gevul het en reeds weer in seisoen is. Dit veroorsaak dat die hings van die trop redelik daarop gesteld is om sy trop te beveilig en sodoende die perde daarin redelik rondjaag. Misty se ma se been sou nie die jaery kon deurstaan nie.

Dit het eers vir Van Niekerk gelyk of haar been deur ‘n lokstrik gesny is. Engelbrecht het bevind dat dit moontlik deur ‘n draad van ‘n heining veroorsaak is.

SIEN hoe ‘n vorige vul suksesvol gered is