MBOMBELA – Die herfskommandowurm en die verwoesting wat dit saai, is deurdringend deur Desiree van Heerden, tegniese gewasdeskundige van Syngenta Suid-Afrika ondersoek.

Sy  verduidelik dat die wurm wel ook in die Mbombela-omgewing sowel as in ander gebiede van Mpumalanga reeds verwoesting gesaai het.

LEES meer oor die regering se planne met die wurm

Gebiede waarin die voorkoms bevestig is: Mashishing, Schoemanskloof, Hendrina, Middelburg, Piet Retief, Komatipoort, Strydomblok en Driefontein.

Volgens Van Heerden is dit ook in die Hoedspruit-omgewing ‘n reuseprobleem op die suikermielies. Sy sê dit is slegte nuus vir die Laeveld. Herfs is steeds warm en dra tot die voortbestaan van die wurm by.

“In kouer dele neem die omvang van die plaag reeds af maar omdat die Laeveld steeds warm is en vir ‘n ruk nog so gaan bly, gaan die plaag nie werklik afneem nie. Die wurm gaan ook nie in die winter in die Laeveld uitsterf nie. Dis te warm.”

 

Boere kan hulle navrae aan Laeveld Agrochem se noodnommer by 060-458 8483 rig. Meer inligting is op www.daff.gov.za te kry. Om enige voorkoms aan te meld, skakel 012-319-6384.

• Lees meer oor landbou in die Laeveld 50 jaar gelede en hoe die suikerbedryf amper deur Bonuskor oorgeneem is