Local newsNews
Motorfietsentoesiaste verras oues
'n Groep motorfietsentoesiaste wat jaarliks byeenkom, en hierdie keer van Willem Fick en Little Pilgrims Boetiekhotel op Hazyview se gasvryheid gebruik gemaak het, het ook die inwoners van Rustig Ouetehuis op Witrivier se harte vinniger laat klop.
Groeplid Chris de Lange vertel dat hulle sommer lus gekry het om iets goeds ook tydens hul heerlike Laeveldse vakansie te doen, en nadat hulle geld onder mekaar ingesamel het, kon hulle ‘n hele vrag kruideniersware en bederfprodukte gaan koop.
Die oorspronklike gedagte was natuurlik om met die motorfietse Witrivier toe te ry en die oues in Rustig te kom verras, maar van die seisoen se eerste eendeweer het ‘n stokkie daarvoor gesteek.
Hoewel sowat 78 lede die saamtrek bygewoon en bygedra het, het net ‘n paar toe maar per motorvoertuig die ouetehuis besoek en die groot geskenk afgelewer.
LEES OOK: Gemeenskap verloor geliefde staatmaker
At Caxton, we employ humans to generate daily fresh news, not AI intervention. Happy reading!
