Kabeldiewe word op heterdaad betrap
Piet het onmiddellik vir ACS en Bossies Community Justice ontbied, wat vinnig op die toneel was.
Vier vermeende kabeldiewe is gisteraand op heterdaad by ‘n Mbombela-kompleks tussen West Acres en Stonehenge betrap.
‘n Inwoner, Piet Small en sy vrou, Esmé het op die verdagtes afgekom terwyl hulle besig was om die gesteelde kabels in hul grys Toyota Corolla te laai.
Volgens Piet het die vier verkies om liewer spore te maak nadat hulle betrap is.
“Met my motor se ligte wat helder op hulle skyn en selfoon in die hand, het hulle besluit om maar in hul wrak van ‘n Corolla te spring en te vlug (sic),” get hy gesê.
Hy het onmiddellik vir ACS en Bossies Community Justice ontbied, wat vinnig op die toneel was.
Hy het sy dank oor hulle flink optrede uitgespreek.
“Vanaand het ek weer besef waarom julle na die sekuriteit by my huis en ook ons kompleks omsien.
“Ek het net lof vir julle en sal jul name uit basuin net waar ek kom,” het hy bygevoeg.
