Long Tom-kanon bulder ter ere van Erfenisdag
Die Long Tom-kanon naby Mashishing is op Erfenisdag as deel van ’n landswye seremonie afgevuur.
Ter ere van Erfenisdag, 24 September, is die Long Tom-kanon naby Mashishing om 13:25 afgevuur.
Die Kanonvereniging van Suid-Afrika het in samewerking met ander kanonverenigings, waaronder die ZAR-Kannoniers, 32 voorlaaikanonne binne twee ure op verskeie plekke regoor Suid-Afrika afgevuur. Dit is gevolg deur die Nederlandse Oproepkanon-Seinstelsel.
Johan Greyling en Brand Bienendell het Long Tom afgevuur en sodoende vir ‘n paar toeriste ‘n besondere ervaring gebied.
Die Long Tom-kanon is ‘n replika van die Creusot-beleëringskanon en merk die plek waar twee van dié kanonne in September 1900 vir die laaste keer deur die Boerekommando’s teen die Britse weermag gebruik is.
LEES OOK: 16 Toekennings vir Laeveld Country musikante
Die kanonne, wat aan hul lang kanonlope bekend was, het van die Britse weermag die bynaam “Long Toms” gekry.
Die monument is in 1984 deur die Long Tom-Rapportryers van Sabie in samewerking met die FAK en Mondi Timber opgerig.
