Volgehoue gees seëvier by kleurvolle interhuisbyeenkoms
Omstandighe-de is stadig besig om terug na normaal te keer vir Komatipoort Akademie. Die skool het op Vrydag 9 April sy jaarlikse interhuis gehou, met die oog op vriendskaplikheid eerder as kompetisie.
Omstandighe-de is stadig besig om terug na normaal te keer vir Komatipoort Akademie.
Die skool het op Vrydag 9 April sy jaarlikse interhuis gehou, met die oog op vriendskaplikheid eerder as kompetisie.
“As gevolg van Covid-19, was dit moeilik om ‘n kompeterende interhuis te hê,” het ‘n verteen-woordiger van die skool vertel. “Ons het besluit om maar wel ‘n vriendskaplike dag vir die leerders te hou. Ons het nie tyd gehou van die wedlope nie, maar van die toppresteerders van die dag het wel medaljes ontvang.”
LEES OOK: Komati Akademie vereer hul toppresteerders virtueel
Die dag se uitblinkers by die o/10s was Tiane Allerston, wat met ses goue medaljes weggestap het, en Jayden Meyer met vier.
Regardt Small (o/11) het gespog met drie goue en twee silwermedaljes. Nicke Meyer het die o/12’s les laat opsê met sy vier goue medaljes, en Jayden Enslin (o/13) met syne.
Leerders in die grondslagfase het massadeelname gehad en almal is met ‘n medalje huis toe.
Die foto’s is deur die sportkoördineerder Ulrich Prinsloo geneem.
