Treurwilg ter ere van die slagoffers van Covid-19
Welma Bezuidenhout, Pro Gratia se finansiële bestuurder, het gesê die boom se simboliek word vir haar deur Jesaja 55:12 uitgebeeld
Pro Gratia Leersentrum en die tuisskoolgemeenskap het verlede week bymekaargekom om ‘n boom te plant ter herinnering aan geliefdes wat gedurende Covid-19 hul lewens verloor het.
Daar is ‘n jong treurwilg net buite die skool se speelgrond geplant.
LEES OOK: IN FOTO’S: Dié leerders ken van kuns en voor ‘n gehoor praat
Die tuisskoolgemeenskap het as deel van ‘n uitreik die boom aan Pro Gratia geskenk. Leerders van beide instansies het beurte gemaak om die gat waarin die boom geplant is, toe te gooi. Selfs ouers en onderwysers het ingespring om die boom te help staanmaak.
Welma Bezuidenhout, die skool se finansiële bestuurder, het gesê die boom se simboliek word vir haar deur Jesaja 55:12 uitgebeeld: “Julle sal met blydskap uit Babel wegtrek en in vrede gelei word; die berge en die heuwels sal voor julle uit jubel en juig en al die bome in die veld sal hande klap.”
Een van die ouers van die tuisskool-groep, Tanya Kemp, het almal daar toegespreek en ook sommer die geleentheid gebruik om met die leerders die waarde van bome te bespreek.
