Beer pong vat pos by Mustangs

Dit was 'n Buffelsfontein Lager-tipe Vrydagaand by Mustangs - the Dancing Place.

November 25, 2021

Linzetta Calitz 1 minute read

Oomblikke voor die balletjie in 'n glas land.

Buffelsfontein Lager was gratis beskikbaar by Mustangs, indien jy besluit het om Vrydag deel van Beer Pong Mania te wees.

Zain Combrink staan in die agtergrond terwyl Bokkie Behrens en Corné Combrink probeer keer dat die balletjie in een van hul glase land.

Soos met enige “sport” het dié een met ‘n gejuig wanneer die balletjie die regte gat getref het, gepaardgegaan. Ondersteuning vir dié geleentheid het jongelinge uit alle oorde gelok, van Pumasspelers tot iemand wat ‘n 21ste verjaardag gevier het.

LEES OOK: Landsdiensklub druk stempel af

Vir diegene onbekend met die speletjie; daar word 10 glase in ‘n piramide-formasie aan beide kante van ‘n lang tafel gepak, en twee spanne probeer om ‘n tafeltennisballetjie in die ander se glase te kry.

As die balletjie in ‘n glas land, drink die span wie se glas dit is, die inhoud. So word die bier stelselmatig minder en die span wat eerste hul opponente se glase kan klaarmaak, is die wenners.