Alle Laevelders moet hierdie week hul selfone met genoeg lugtyd laai om vir ‘n laaste keer vir Witrivier in die Kwêla Dorp van die Jaar-kompetisie te stem – en om die R1 miljoen prysgeld los te slaan.

LEES OOK: Witrivier as Kwêla Dorp van die Jaar-finalis aangewys

Stemlyne is reeds oop en die gemeenskap word aangemoedig om aan te hou stem, want kiesers staan ook ‘n kans om pryse te wen.

Die Power of 8000-groep het reeds begin om kiesers vir hulle deelname te beloon en het ‘n prys aan een van hulle toegeken: twee ontbyt- en koffiegeskenkbewyse van Big Bear Spur Steak Ranch.

LEES OOK: Witrivier-karatekas skitter by SA kampioenskappe

Die wenner van die kompetisie sal op 3 Augustus op Kwêla bekend gemaak word. Die wendorp sal R1 miljoen van Lottoland vir ontwikkelingsprojekte ontvang. ‘n Promosievideo, vervaardig deur Homebrew Films, sal in advertensietyd op kykNET uitgesaai word. Daar sal ook ‘n feesviering en ‘n musiekkonsert in die wendorp plaasvind.

LEES OOK: Geliefde Witrivier-inwoner word by gedenkdiens vereer

Laevelders kan tot 18 Julie, om 12:00 stem. SMS slegs die naam “Witrivier” na 33157. SMS’e kos R1,50 en elke nommer kan slegs 30 keer stem. As jy die eerste keer stem, sal jy ‘n SMS terugkry wat sê:

“Die stemnommer is nie geldig vir hierdie ronde nie” – iets wat kiesers eenvoudig kan ignoreer en dan verder stem.

Gratis SMS’e en SMS-bondels tel nie. As jy deel van die feesviering wil wees, stem nou!