GEBORG | Die geheim van dié tas word Dinsdag in die Boulevard Teater onthul
As jy ’n liefhebber van kabaret en teater is, is hierdie een opvoering wat jy nie durf misloop nie.
Op die vooraand van Erfenisdag, 23 September, bied die Boulevard Teater in Sonpark die produksie, Die Tas in Ponte, aan.
Dit is nie sommer net ‘n vertoning nie, dit is ‘n erfeniskabaret wat na die ou legendariese maniere van teater teruggryp.
Vir die ouer garde is dit ‘n uitstappie down memory lane en vir die jonger geslag is dit die kans om te sien hoe dinge in die ou dae gedoen is.
LEES OOK: Nuwe teater in Mbombela met applous begroet
Die stuk is ‘n verhaal, vol intriges, wat in die ikoniese Ponte-gebou in Hillbrow afspeel met ‘n tas waarin die waarheid skuil en uiteindelik aan die lig kom.
Op die verhoog sien ons vir Lasea Swift as Gigi, haar dogter, Bianca as Bibi, en Bertus de Bruyn, wat die teks geskryf en die regie van die karakter, Tobias, behartig.
Dit is ‘n intieme produksie vol kinkels in die kabel, pittige humor, maar ook waar drome op kleiner skaal uitgeleef word.
LEES OOK: Mbombela Boulevard teater maak gereed om die gordyn te lig
Bianca, wat die Laeveld vir Pretoria verruil het, kom spesiaal Mbombela toe vir die vertoning; Lasea leef haar passie vir teater uit, terwyl Bertus ‘n talent in die kunste openbaar waarvan min mense weet.
Wat is tog in dié tas in Ponte versteek?
As jy nog nie jou plek vir die kabaret, Die Tas in Ponte, bespreek het nie, gaan jy beslis ‘n ware teaterervaring misloop.
Wie weet… daar is dalk selfs ’n tas vir jou om huis toe te neem…
Hierdie is een vertoning wat ‘n teatrale belewenis beloof te wees.
Bespreek gerus jou kaartjies hier.
