Jan Blohm bring nuwe lig na die Laeveld
Blohm het met musiek van sy nuwe album Tot Daar Waar Die Lig Is, sy getuienis gedeel.
Ná ‘n tydelike wegbreek van die verhoog het Jan Blohm na die Laeveld teruggekeer met ‘n nuwe haarstyl, nuwe musiek en ‘n ingrypende getuienis.
LEES OOK: Riaan Benadé vat vas by Mustangs in Mbombela
Die bekende rocksanger het weer eens by The Pub opgetree en tydens sy vertoning openlik oor sy lewe gepraat, asook hoe hy ná baie jare tot bekering gekom het.
Sy nuwe album, Tot Daar Waar Die Lig Is, loop hand aan hand met sy getuienis en vertel van die lig wat hy aan die einde van ‘n donker tonnel van drank- en dwelmverslawing ontdek het.
LEES OOK: Janie Bay betower Laevelders
“Hierdie album is vir almal wat nog glo in stories, waarheid, verlange en lig,” het Blohm gesê.
Met nuwe liedjies, sowel as gunstelinge soos “Groen Trui”, “Johnny Het Die Blues” en “Word Wakker”, het hy sy lewensreis met die gehoor gedeel. Sy verhaal wys dat hy, ten spyte van vele struikelblokke, telkens weer opgestaan het en nou as ‘n baken van hoop en nuwe lig optree.
Benewens sy vertoning het hy ook sy kunswerke en nuwe CD’s uitgestal. Laevelders is opgewonde oor Blohm se terugkeer en deel graag in die nuwe lig wat hy uitstraal.
