Vroegoggend word ek wakker
Met die visarend se geluid
En die sonstrale wat plek-plek plek maak
Vir die wind wat saggies fluit
Op die stoep hang die doudruppels
In die verte glinster die Krokodil
Die varkies staan al nader
Vir ‘n stukkie appelskil
My eerste slukkie koffie
Geniet ek met ‘n uitsig
Van ‘n koedoe wat stuk-stuk stukke
Van ‘n bossie staan en uitpluk
Die bosveldloerie staan nie terug
Die tarrentale is aan’t baljaar
Die landskap perfek geverf
Deur die hand van die Groot Kunstenaar
Ek asem hierdie oomblik in
En probeer elke element vasvang
Om aan vas te klou in dae
Wat my hart na die bosveld terug verlang
LEES OOK: Klink ‘n glasie op Marlothpark
At Caxton, we employ humans to generate daily fresh news, not AI intervention. Happy reading!
