Tweekamp-atlete presteer goed in die Kaap
Drie atlete van Hoërskool Nelspruit het onlangs aan die 40ste Suid-Afrikaanse Tweekampkampioenskappe in Stellenbosch deelgeneem.
Justin Smit (o/17) is uit 60 deelnemers as die wenner aangewys nadat hy die twee- kilometer in 05:56,64 gehardloop het en die 100-meter in 58,74 sekondes geswem het. Justin het 2 470 punte met sy puik vertoning behaal en is in die SA-span ingesluit.
Jeanne Joubert (o/15) het ‘n vierde plek behaal en het die een-kilometer in 03:17,88 afgelê en die 100-meter in 01:06 geswem. Sy het 2 349 punte verdien, terwyl Mignon Joubert die 23ste plek uit 60 deelnemers behaal het.
Jeanne en Mignon het ook aan die einde van Maart aan die Afrikabeker-driekamp in Zimbabwe deelgeneem en puik presteer. Jeanne het die 400-meterswem, 10-kilometerfietsry en 2,5-kilometer-hardloop in 44:22 afgelê en Mignon was kort op haar hakke met ‘n tyd van 45:25. Die dogters het onderskeidelik die derde en vierde plek beklee.
