‘n Eerste vir Witrivier Rugbyklub
Die All Stars se sewesrugbyspan het Saterdag by Witrivier Rugbyklub (WRK) se toernooi die beker omhoog gehou nadat dié manne van Centurion Double Scrum & Coke met 26-12 afgeransel het.
All Stars het in die uitspeelwedstryde met die Avengers (33-12) en Olifante (45-7) afgereken en hulle plek in die eindstryd bespreek met oorwinnings teen Matsulu A (42-12) en Bobbies (26-14).
Johannesburg Polisie se Bobbies het met die platebeker na die Goudstad teruggekeer nadat hulle Nice Guys 31-14 geklop het.
Die Laeveld se Avengers het vierde geëindig nadat hulle TCWSA met 31-14 uitoorlê het.
Dit is die eerste jaar wat WRK die toernooi aangebied het en dit sal van 2019 af ‘n jaarlikse instelling word. WRK vier vanjaar hulle eerste bestaansjaar.
Witrivier Rugbyklub se sewestoernooi
• Beker – All Stars (Centurion), R5 000 kontantpryse
• Skild – Double Scrum & Coke, R3 000
• Plate – Bobbies, R2 000
• Boul – Avengers.
So lyk WRK se bestuur vir 2019
• Ere-resident: Servaas Niewoudt
• President: Chris Labuschagne
• Vise-president: Fanie Roos
• Voorsitter: Pietman Rademeyer
• Ondervoorsitter/direkteur spelersake: Basie van der Merwe
• Direkteur administrasie: Annemarie Rademeyer
• Direkteur finansies: Deon Redelinghuys
• Direkteur bemarking: Conrad Botha
• Direkteur fasiliteite: Alex Diedericks
• Direkteur afrigtersake: Bennie Pringle
Addisionele lede
• Finansies: Hennie Roos
• Algemeen: Marthi Exley, Werner Doyle
• Bemarking: Amillia Joubert.
