Stokke swaai tydens Laerskool Ohrigstad se gholfdag

Laerskool Ohrigstad se gholfdag was ’n reusesukses. Die spelers het op 18 Augustus by die Lydenburg Gholfklub sake op die baan uitgespook.

Die skoolhoof, Johan Pieterse, het al die borge asook die ouers en personeel wat die dag ’n
sukses gemaak het, bedank.

Oudergewoonte het Nico Cross vir die dag se musiek gesorg, en was hy ook die prysuitdeling se seremoniemeester. Ruan Steyn, ’n lid van die skool se beheerliggaam, het namens die skool die pryse oorhandig.

Die wenners was as volg:

• Wenspan: Douglas Westcott en Gerhard Frylinck
• Tweede: Daniël le Roux en Luan de Beer
• Derde: Brandon Parr-Bailey en Martin van Rooyen
• Naaste aan die pen: Jaco Els
• Langste dryf: Lourens Geldenhuys