Nellie Miere krioel op die atletiekbaan
Niks omtrent die dag was kompeterend in die sin dat daar punte aangeteken kon word nie.
Nellie Miere het verlede naweek hul jaarlikse atletiekdag by Laerskool Nelspruit aangebied. Die kinders het dit baie geniet, en selfs nie opgehou met hul entoesiastiese deelname toe die son warm begin bak het nie.
Daar was 16 stasies en elke groepie het na 10 minute na ‘n ander aktiwiteit aanbeweeg. Soms moes hulle maar geduldig wag om by hul gunstelinge (soos die springkasteel) uit te kom. Dan het hulle maar in die skaduwee by die watertafels gespeel.
Hulle het ernstig spiesgegooi met stokke, en die seuns se ry by die hoogspring het ongesiens al hoe meer vorentoe gekruip. Daar was ook groot kompetisie onder die hardlopers van die aartappelresies, en die deelnemers het nie weggesteek dat hulle die aartappel vasgehou het en genael het nie.
Die kinders se ouers het hulle ingewag na die kort naellope, en die kort hekkies was, te kenne aan die gesiggies, ‘n opwindende uitdaging. Hier en daar het ‘n outjie te aanhoudend klipgegooi, maar waar hulle die sonbesiegeverfde klip per ongeluk gebons het, kon die kinders ‘n redelike afstand behaal.
Kruiwastoot was baie gewild, al het een outjie wat moeg was vir die opwinding en hewige hitte maar bra bekaf gelyk en op sy tyd, statig die roete voltooi. Twee driebeenresiesspanne het dit ook vermag om in mekaar se rekke verstrik te raak – en sodoende vir ‘n oomblik die kompetisie te vergeet.
Niks omtrent die dag was kompeterend in die sin dat daar punte aangeteken kon word nie. Dit was blote pret. Maar die spiesgooiers van die toekoms het ‘n voorsmakie gekry van wat eendag op hulle wag.
- Sien nog foto’s hier.
