Dogters op pad na Mpumalanga-finale

Die finale ronde van Ehlanzeni se netballigawedstryde is Saterdag by Hoërskool Rob Ferreira gespeel.

Dit was ‘n lang warm dag, propvol hoër- en laerskolenetbal waartydens verskeie dogters met die bal uitgeblink het.

Die distrik se vier top-grootskoolspanne sal hierdie naweek aan die Mpumalanga-ligawedstryde deelneem. Die drie beste mediumskool- en beste kleinskoolspanne dring ook deur.

Onder die o/18-spanne kon Hoërskool Nelspruit (NHS) Lowveld High School met 27-20 klop in die grootskole-finaal.

Die ander spanne in dié ouderdomsgroepe wat deurgedring het, is Hoërskool Bergvlam, Guduza High School, Barberton High School, Penryn College, Hoërskool Rob Ferreira en Curro Nelspruit.

Onder die o/17-groep is NHS, Khutsalani, Guduza, Ngodini, Barberton, Metropolitan, Mambane en DD Mabuza deur.
NHS 1 se o/16-span kon NHS 2 in die finaal met 18-7 klop.

Bergvlam, Lowveld, Rob Ferreira, Barberton, Penryn en Curro Nelspruit se spanne is ook deur na die volgende ronde.

NHS, Bergvlam, Rob Ferreira, Penryn, Barberton en Curro se o/15- en o/14-spanne kon ook deurgaan. Verder sal Lowveld se o/15’s en Emthojeni sowel as Khutsulani se o/14’s die naweek weer in aksie wees.

Die laerskolekompetisie was ewe straf. Laerskole Nelspruit, Laeveld, Bergland en Witrivier se o/13-spanne sal môre op die veld wees.

In die halfeindrondes kon Laeveld vir Witrivier met 12-8 klop en Nelspruit vir Bergland met 11-5. In die finaal het Nellies Laeveld met 12-11 die loef afgesteek.

Malekutu, Kings, Mohakama en Malelane se o/13-spanne is ook deur.

Sien meer foto’s: Finale ronde in Ehlanzeni netballiga