Atleet maak spiesgooi-geskiedenis
Die eerste skote vir vanjaar se voorseisoen-atletiekbyeenkoms, het verlede Donderdag op Hoërskool Nelspruit se baan geklap. Atlete van NHS, hoërskole Rob Ferreira, Lydenburg en Lowveld High, het getoon dat hulle reeds slaggereed vir die seisoen is.
Een van die hoogtepunte, was die reusegooi van 71,91m waarmee Nellies se tweemalige Suid-Afrikaanse kampioen, Werner Bouwer, die rekordboeke herskryf het. Hy is die eerste seun in die geskiedenis van NHS wat die spies verder as 70m kon laat grondvat het. Dit plaas hom onder die top-vier in sy ouderdomsgroep (landswyd) vir 2016, asook een van die top-15 spiesgooiers, wat seniors insluit.
Lees ook: Kwaai mededinging pas mooi in Nellies se kraal
Span- en oefenmaats Joshua Maass en Stefan Smit (albei o/16) het in die item vir seuns o/17, met uitstekende afstande van 63,31m en 61,35m onderskeidelik, ook gewys dat hulle vroeg reeds die oog op groot afstande vir 2017, het.
Ook Stephan van der Bank (o/19) het op sy eerste byeenkoms met die swaarder 800g-spies, met ‘n 52,40m gewys dat hy ook weer ‘n krag gaan wees om mee rekening te hou. Maass kan ook baie tevrede met sy verspringafstand van 6,38m voel.
Die 800m vir meisies o/17 was een van die beste wedlope van die dag. Hier was dit vier Nellies wat mekaar tot verby die wenstreep opgedreun het. Jessica Berry (2:22:5) is deur Nicola Cronje (2:22:6) gevolg, Thembi Cossa (2:31:5) en Lizaan de Blanche (2:34:4) was kort op hulle hakke. Suzaan Nel (vanjaar se top-o/14-atleet) het die oog met uitstekende tye in veral die 100m (12,4sek) en 300m (43,7sek) gevang.
Lees ook: Nellie vaar puik by SA-skolekampioenskappe
Ook Nerina Visser (o/19) lyk na ‘n atleet wat in 2017, baie punte vir haar span kan loshardloop. Sy wen die 100m (13,0sek), 300m (42,7) en ook die 100m-hekkies (17,1sek).
Attie Smit (vanjaar nog o/14) het met brute Nellie-guts net-net die bors voor Rob Ferreira se Thapelo Segage, oor die wenstreep in die seuns o/15 se 800m gestoot. Hul tye van 2:11:8 en 2:11:9, wys duidelik hoe straf die mededinging was.
Cherise van Duyker (wat as 15-jarige, aan die o/17-items moes deelneem), is ook ‘n naam wat maar fyn dopgehou kan word. Haar tyd vir die 100m-hekkies (16,6sek) is werklik baie goed vir hierdie tyd van die jaar. Sy het ook die 300m in 45,4sek gewen.
‘n Baie interessante stryd wag komende seisoen in die gewigstoot vir Jacques Marais (14,50m) en Douw Kruger (14,25m), albei o/15 wat reeds hul beste afstande vir 2016 verbeter het, en Xander Rutherford is ook nog daar om die kaarte deurmekaar te krap.
Van die ander uitslae wat beslis genoem moet word, sluit in (Nellies, behalwe anders aangedui):
Lourens Potgieter (s.15): 300m – 39.1 sek., ook 100m – 11.8 sek.
Thapelo Segage , Rob F (s.15): 300m – 39.2 sek.
Banele Muwayi , Lowveld H (s.15): driesprong – 11,21m
Johannes Beytell , Lydenburg (s.15): 100m hekkies – 14.8 sek., ook 100m – 11.9 sek.
Conrad Grobbelaar (s.15): 800m – 2:12.1
Marius Klopper , Rob F (s.15): 100m hekkies – 14.9 sek.
Ruan Labuschagne (s.17): 300m – 37.4 sek.
Marumo Setshaba , Lowveld H (s.17): driesprong – 12,22m
Jaytee Boers (s.17): driesprong – 12,04m
Janco Pretorius (s.17): spiesgooi – 49,12m
Amos Khoza , Rob F (s.17): 800m – 2:00.5
Tertius Mentz (s.17): 800m – 2:03.4
Charlie Naude (s.17): 800m – 2:06.0
De Villiers Basson (s.19): 800m – 2:02.8 , ook 300m – 36.7 sek.
Norbert Ponisammy , Lowveld H (s,19): 100m – 11.0 sek., ook verspring – 6,61m
Leon Pienaar (s.19): 300m – 36.5 sek.
Frank Muwayi , Lowveld H (s.19): driesprong – 13,33m
Izak Beytell , Lydenburg (s.19): 110m hekkies – 15.6 sek.
Tyla Kotzee (m.15): 300m – 45.7 sek., ook 100m hekkies – 18.0 sek.
Christine Kruger, Rob F. (m.15): gewigstoot – 11,34m
Mila de Villiers (m.15): 800m – 2:33.7
Leonine Gildenhuys (m.15): 800m – 2:36.7
Megan Nel (m.17): driesprong – 10,12m
Sumarie Bekker, Rob F (m.17): gewigstoot – 11,74m
Marne van Aarde (m.17): spiesgooi – 35,61m
Michelle Bouwer (m.17): spiesgooi – 30,11m
Gugu Nkambule , Lowveld H (m.19): verspring – 4,95m
Megan Caldeira (m.17): gewigstoot – 10,56m
Lizaan Olivier (m.17): 10,31m
Shana Scott , Laerskool Nelspruit (m.13): gewigstoot – 10,21m, asook spiesgooi – 28,90m
Tiaan Basson (senior atleet): 800m – 1:55.2 , ook 300m – 35.5 sek.
