Hoe kan Solidariteit jou beskerm en bystaan? Hier is jou praktiese gids tot dissiplinêre verhore in die werkplek.

Wat kan jy verwag?

Volgens die Wet op Arbeidsverhoudinge moet dissiplinêre verhore deursigtig en substantief geregverdig wees.

Die dissiplinêre proses moet aan die volgende minimumvereistes voldoen:

1. Kennis van die klag: Jy moet minstens 48 uur voor die verhoor skriftelik in kennis gestel word van die klag(te) teen jou en dat ʼn verhoor gaan plaasvind.
2. Reg op voorbereiding: Jy moet genoeg tyd gegun word om jou saak voor te berei.
3. Verteenwoordiging: Jy het die reg om verteenwoordig te word – deur ʼn kollega of ʼn vakbondverteenwoordiger.
4. ʼn Onafhanklike voorsitter: Die persoon wat die verhoor lei moet objektief en onpartydig wees.
5. Reg op ʼn regverdige verhoor: Jy het die reg om jou kant van die saak te stel, vrae te vra, bewyse te lewer en getuies te roep.
6. Skriftelike uitkoms: Die uiteindelike beslissing en redes daarvoor moet skriftelik aan jou gekommunikeer word.

Wat is jou regte as werknemer?

• Reg op billike prosedure: Jou werkgewer mag jou nie arbitrêr straf sonder ʼn behoorlike verhoor nie.
• Reg op substantiewe regverdigheid: Jy mag nie gestraf word sonder voldoende bewyse dat jy ʼn oortreding begaan het nie.
• Reg om teen ʼn beslissing te appelleer of dit te betwis: Jy kan aansoek doen om hersiening of arbitrasie by die KVBA (Kommissie vir Versoening, Bemiddeling en Arbitrasie) of ʼn toepaslike sektorale raad indien jy meen dat die besluit onbillik was.

Hoe Solidariteit jou bystaan

Lede van Solidariteit geniet talle voordele in die werkplek, insluitend regsadvies en hulp met voorbereiding, verteenwoordiging, en ondersteuning met appèlaansoeke en arbitrasie – indien die saak so ver sou gaan.

Word deel van ʼn vakbond wat jou regtig beskerm. Sluit vandag nog aan as lid van Solidariteit en slaap gerus, wetende dat Solidariteit jou sal bystaan as jy ooit ʼn dissiplinêre verhoor in die gesig staar. Kontak ons Nelspruit-kantoor gerus vir meer besonderhede:

Danny Schutte

Solidariteit Netwerkorganiseerder: Nelspruit

29@Marloth, Marlothstraat 29, Nelspruit, 1200

013 235 3698 / 013 235 1814

nelspruit@solidariteit.co.za / danny@solidariteit.co.za

Tiaan Schoeman

Solidariteit Netwerkorganiseerder: Nelspruit

29@Marloth, Marlothstraat 29, Nelspruit, 1200

082 497 1749 / 013 235 3698

nelspruit@solidariteit.co.za / tiaan@solidariteit.co.za