Emmies vier hierdie jaar hulle 135ste verjaarsdag. Laerskool M.L. Fick in Potchefstroom, ook bekend as Emmies, is op 30 Julie 1890 gestig. Dit het begin as ‘n “Armenschool” (arm skool) en het gegroei tot ‘n gevestigde laerskool. Die skool vier sy 135ste bestaansjaar en beklemtoon sy lang geskiedenis en blywende waardes.
Die skool is later vernoem na M.L. Fick, wat ‘n belangrike figuur in Potchefstroom was, en het as ‘n Parlementslid vir die dorp opgetree.
“Van Armenschool tot Emmie-trots! Laerskool M.L. Fick se storie begin op 30 Julie 1890. Vandag, 135 jaar later, staan ons steeds sterk op dieselfde fondament van waardes en wysheid. Dankie aan almal wat hierdie storie deel maak van hul eie,” het die skool op sosiale media gesê.
