Heaven Sereetsi, die talentvolle jong vleuel van Ikageng, Potchefstroom, maak golwe in die sokkerwêreld.

Die 22-jarige speel tans vir Cape Town City FC en bewys daagliks sy indrukwekkende vaardighede en uitsonderlike talent op die veld. Dit het hom ‘n plek in die Premier Sokkerliga (PSL) besorg.

Sereetsi was deel van die Noordwes-Universiteit (NWU) se Sokkerinstituut, waar hy sy vaardighede geslyp en sy span tot sukses gelei het. Sy uitstekende prestasie in die Varsity Sokkertoernooi en die Noordwes ABC Motsepe-liga het hom die titel van Beste Speler besorg, en hy is vinnig in 2024 deur Cape Town City FC opgeraap.

Met sy blitsvinnige spoed en indrukwekkende balbeheer is Sereetsi beslis een om dop te hou in die PSL.