‘n 48 jarige man is dood na sy bakkie vanoggend (9 Mei) gerol het op Thabo Mbekirylaan naby Waterberry Square. Volgens Russel Meiring, ER24 woordvoerder, het hulle om 09:15 ‘n oproep ontvang en dadelik na die toneel gegaan.
Met die paramedici se aankoms het die bakkie regop langs die pad gestaan en die bestuurder het leweloos buite die bakkie gelê. Meiring sê dat sover hul kennis strek, het die bestuurder beheer verloor oor die bakkie wawaarna die bakkie gerol het en in ‘n muur gebots het. In die proses is die bestuurder uit die bakkie geslinger.
Na 35 minute wat die paramedici gepoog het om die bestuurder by te bring, is hy op die toneel dood verklaar.
Die SAPD was ook op die toneel om verdere ondersoek in te stel.
Lees meer in die week se Potchefstroom Herald van 12 Mei.
