Die munisipaliteit het bevestig dat hulle bewus is van die stilstaande waterpoel op die hoek van Govan Mbeki-rylaan en Chris Hani-straat, agter die Botha-pompstasie.

Op  30 Junie, het munisipale amptenare ’n ondersoek gedoen en watermonsterneming uit die stormwaterkanale en stilstaande poele in die gebied geneem. Laboratoriumontledings het bevestig dat die water nie rou riool is nie. Die onaangename reuk is te wyte aan langdurige stilstand.

Die ondersoek het verder bevind dat die stilstaande water veroorsaak word deur terugvloei vanaf die Mooirivier tydens oorloopperiodes. Hierdie water vloei in die stormwaterkanale in wanneer die rivier oorstroom, en versamel dan in die betrokke gebied.

Die munisipaliteit is tans in gesprekke met die Departement van Water en Sanitasie om dringende hulp te kry om die Mooirivier se oorvloei te bestuur en verdere opgaring van water in die gebied te voorkom.

“Ons bedank inwoners vir hul geduld en begrip. Verdere opdaterings sal gedeel word soos vordering gemaak word,” het Jeanette Tshite, munisipale woordvoerder verduidelik.