Tydens die algemene jaarvergadering van die Buiteklub se rolbalklub, is die volgende lede tot die bestuur verkies: Jan Koekemoer (president), Douw Steenkamp (vise-president), Driekie Baird (sekretaresse), Marius Verster (penningmeester), Anjeliek Verster en Michael de Witt (wedstryd organiseerders) en addisionele lede; Coen van der Westhuizen, Dawid van Rensburg, Mof Oosthuizen en Viv Bosman.Daar is besluit dat die klub ‘n groot poging gaan aanwend om nuwe lede te werf. Klem moet gelê word op die feit dat die spel oop is vir alle ouderdomme en die ideale sport is, waar gesinne op gelyke voet kan meeding. Daar is ook reeds begin om die NWU se koshuise betrokke te kry en by die Patria manskoshuis is daar reeds gang-proewe gehou vir deelname teen ander gange en later teen ander koshuise. Die strewe om die sport na sy vorige gloriedae uit te brei, gaan in die volgende jaar die nommer een prioriteit wees by die Buiteklub. Net die Klerksdorp rolbalklub het meer lede as dié Buiteklub se rolbalklub.