Buiteklub verloor gholftitel
Die Potchefstroomse Buiteklub het verlede naweek aan die Noordelike Provinsies se gross-liga finale by die Ebotse Gholfklub in Ekurhuleni deelgeneem. Die span was die verdedigende kampioene. Vanjaar het hulle hul vasgeloop teen gedetermineerde kompetisie en het vierde in die toernooi geëindig. Die wenners was Akasia Buiteklub van Pretoria. Verskeie gholfkompetisies is die afgelope week by …
Die Potchefstroomse Buiteklub het verlede naweek aan die Noordelike Provinsies se gross-liga finale by die Ebotse Gholfklub in Ekurhuleni deelgeneem. Die span was die verdedigende kampioene. Vanjaar het hulle hul vasgeloop teen gedetermineerde kompetisie en het vierde in die toernooi geëindig. Die wenners was Akasia Buiteklub van Pretoria. Verskeie gholfkompetisies is die afgelope week by die Potchefstroomse Buiteklub gehou.
*Op Woensdag 13 Julie is ‘n medal-kompetisie aangebied. Die wenners was: 1e – Nelis Holtzhausen (67), 2e – Nick Kalamaras (69) en 3e – Chris Cronje (70).
*Die nege putjie IPS vleis-kompetisie op Vrydag 15 Julie se wenners was:
1e – Gerrie Badenhorst met 19 punte
2e – AJ du Plessis met 17 punte
3e – Chris Cronje met 15 punte
*Op Saterdag 16 Julie het The Broken Pot die IPS-kompetisie geborg. Die wenners was: 1e – Wentzel Burger met 41 punte, 2e – Johan Grobbelaar met 40 punte, 3e – Chris Cronje met 40 punte.
