Supa Quick nagwedloop gaan weer ’n treffer wees
Die Supa Quick 10- en 5km nagwedloop word op Woensdag 18 Oktober by die B-rugbyvelde van Potchefstroom Dorp Rugbyklub langs Olënpark gehou. Dié immergewilde wedloop, wat deur Bert’s Bricks Atletiekklub aangebied word, is baie gewild en ‘n groot aantal atlete neem elke jaar daaraan deel. Dit bied die ideale geleentheid aan ervare en beginner atlete …
Die Supa Quick 10- en 5km nagwedloop word op Woensdag 18 Oktober by die B-rugbyvelde van Potchefstroom Dorp Rugbyklub langs Olënpark gehou.
Dié immergewilde wedloop, wat deur Bert’s Bricks Atletiekklub aangebied word, is baie gewild en ‘n groot aantal atlete neem elke jaar daaraan deel. Dit bied die ideale geleentheid aan ervare en beginner atlete om ‘n 10- of 5km aan te pak.
Die 10km wedloop begin om 19:00 en die 5km pretloop om 19:05. Die inskrywingsgelde vir die 10km is R60 per atleet en vir die 5km R30.
Atlete wat aan die 10km wedloop wil deelneem en nie vir 2017 by Atletiek Suid-Afrika (ASA) geregistreer is nie, moet ‘n tydelike nommer vir R30 koop. Atlete kan vanaf 17:00 op die dag van die wedloop by die stadion inskryf.
Kontak gerus vir Chantelle Pat by 073 466 9158 vir meer inligting.
