Potchefstroom Gimnasium het die afgelope naweek aan die jaarlikse Elardus Erasmus-byeenkoms van Hoërskool Hans Strijdom in Naboomspruit deelgeneem. 44 skole het deelgeneem en Gimmies eindig algeheel in die 4de plek.
Die top 5-skole se finale puntestand was as volg: Prestige College (21 082), Helpmekaar (21 082), Garsfontein (20 332), Gimmies (19 888) en Kemptonpark (19 827).
Karmen Fouché spog met die uitsonderlike prestasie om vir beide haar items meer as 1 000 punte te behaal. Ander Gimmies wat ook met meer as 1 000 punte vir ‘n item kan spog, is Danielle Verster, Wian Oosthuizen, Michael v Rooyen, Almero Niemann, Marthinus du Preez, Lumka Gebengana, Donevan du Toit en Maritz Pieters.