Vier van Black Ops Fitness se lede het aan die beroemde Beast OCR-kompetisie deelgeneem wat op Saterdag 5 Mei gehou is. Hulle het ook puik presteer.
Alex Maloney het weer eens ‘n podium posisie losgeslaan – dié keer ‘n eerste plek in die 5km, nadat sy verlede maand brons geproe het. SueYen Nel het ’n 2de plek behaal, met Johan (Bakkies) de Beer wat die 6de plek behaal het na hy ongelukkig ’n verkeerde afdraai gevat het. “Dit is Johan en SueYen se eerste groot kompetisie, so ons is veral trots op hulle. Ons is ook vreeslik trots op Alex wat net elke keer beter presteer,” het Black Ops Fitness se hoofinstrukteur, Karlien le Roux, genoem.