Twee Potchefstroomse atlete het die afgelope maand hulle stemme dik gemaak met puik vertonings by die onlangse Noordwes landloopkampioenskappe wat op Saterdag 18 Augustus plaasgevind het.

Petrus Dithabe (23) en Tshepiso Matlaopane (15) wat tans onder Atletiek Sentraal Noordwes afrigter Richardo Ellis, oefen het albei top drie plekke in hulle onderskeie ouderdomskategorieë behaal.  Tshepiso het ’n briljante eerste plek behaal, terwyl Petrus ‘n skaflike derde plek geneem het. Albei hierdie atlete gaan nou ook aan die komende SA landloopkampioenskappe in Port Elizabeth deelneem.

“Met elke oefening het hierdie twee atlete beter geword omdat hulle altyd ’n bietjie ekstra wil doen. Hulle werk regtig hard vir hulle doelwitte waarna hulle streef,” noem Ellis.