Die Luiperds het op Woensdag, 3 Julie hulle Curriebeker Eerste Divisie-veldtog met ‘n spesiale bekendstellingaand in die Koos Snyman-saal op Olënpark begin.

DIe Luiperds speel komende Saterdag teen OP in hulle eerste wedstryd van die seisoen. Daar is groot afwagting dat die Luiperds goeie rugby gaan speel en weer met durf en daad die publiek se vertroue inwin.

Een van die groot doelwitte is om die Luiperds deel van die plaaslike gemeenskap te maak en hierdie aand was juis so geleentheid met borge en media-vennote wat die spelers beter kon leer ken.

Die Suid-Afrikaanse Rugbyunie (SARU) se president Mark Alexander was ook by dié funksie en het die Luiperds geprys vir die werk wat hulle insit om jong talent te groei en die spelers aangemoedig om hulle kanse dié seisoen te gebruik.

Foto’s: Wouter Pienaar