Ongeveer 12 jaar gelede het die voormalige Volkie-leerder en Potchefstromer, Amanda Mynhardt haar buiging vir die Proteas gemaak.

Die Potchefstroom Herald het in die uitgawe van 21 November 2008 op die agterblad oor Mynhardt, wie toe 22 jaar oud was, se Protea-buiging berig.

Sedertien het Mynhardt 47 keer vir Suid-Afrika op netbalbane oraloor die aardbol verteenwoordig.

Mynhardt wat gewoonlik as doelwagter of hulp-verdediger gespeel het, het ook later die Proteas as kaptein gelei en SA by talle groot toernooie soos die 2010 Statebond Spele verteenwoordig.

In 2012 het sy ‘n droom verwesenlik toe sy klubnetbal in Nieu-Seeland gaan speel het.

Mynhardt word as een van SA se top netbalspelers onthou en sedert haar aftrede rig sy nou by Hoër Afrikaans Meisieskool (Affies) netbal af waar sy die skool tot die land se top netbalskool lei.