Micky Cloete en Armando de Crescenzo, albei van die plaaslike Coalition Grappling Academy, sou die afgelope naweek by die Alpha MMA X byeenkoms by die Mall of Africa vir titels geveg het, maar weens oormatige dou op die stoeimat het hierdie gevegte nie plaasgevind nie.

Voor die eerste titelgeveg, nadat 11 nie-titel gevegte alreeds vanaf 17:00 plaasgevind het, is die vegters bymekaar geroep en het die organiseerders besluit dat die beplande oorblywende titelgevegte nie daardie aand sou plaasvind nie.

“Die organiseerders het besluit dat toestande onveilig is en toe ry ons maar terug huis toe verniet. Die gevegte is wel nou uitgestel na 7 November toe,” vertel Cloete en De Crescenzo se afrigter, Roevan de Beer.

Sodoende sal De Crescenzo en Cloete nou net nog ‘n maand moet wag voor hulle hulle hande op die titels kan kry.

Hier is die voorskouberig wat verlede week in die Herald was:

https://www.citizen.co.za/potchefstroom-herald/78611/potch-vegters-gaan-vir-goud-by-alpha-mma/