Die parekampioenskap van Noordwes Rolbal bereik hierdie naweek die eindrondes wanneer die wenners van die seksies mekaar pak.
Die wedstryde vind Saterdag en Sondag by die Klerksdorp Rolbalklub plaas. Daar is ‘n mooi oplewing in die spel op die platteland, met vrouepare van Koster en Mafeking en manspare van Zeerust en La Farge (Lichtenburg) wat hulle seksies gewen het. In die vrouepare is daar drie spanne van die Potchefstroom Buiteklub (PCC), drie van Klerksdorp en een elk van Parys, Mafeking en Koster. In die mansafdeling wys Klerksdorp weer sy krag met vyf spanne. Parys en PCC het twee spanne elk, met een span elk van Zeerust en La Farge. Dit is opvallend dat die sterk Potchefstroom Rolbalklub nie ‘n enkele seksie kon wen nie.
Volledige lys van deelnemers:
Vroue:
PCC: Sega Mokoto en Baby Mojanaga, Leatitia Wolvaardt en Chantelle Hildebrand en Riekie Broodryk en Browen de Kock. Klerksdorp: Susan Steenkamp en Petra Loots, Jilian Booth en Anina Neethling en Rene de Jager en Doreen Swanepoel.
Parys: Linda Fuhri en Stienie Browne.
Mafeking: Ann Buys en Judith Venter en Martie du Plooy en Alta Klaassen van Koster.
Mans:
Klerksdorp: Josh Radebe en Anton Grobler, Wimpie Viljoen en Morne Kretschmer, Jan Theunissen en Danie Meintjies en Clive Bailey en Hennie du Preez.
Parys: Rudi Jacobs en Jaco Nel en Dries de Jager en Danie Nel. PCC: Johan Delport en Dawie Barnard en Johan Muller en Johann Gouws. Gene Hill en Chris Nicolaou en Zeerust en Harry en Tinus Herbst van La Farge.
*Die veterane Gemengde Pare is verlede Dinsdag deur Abrie Schutte en Alida Roussouw van Fochville gewen.
