Op Donderdag, 9 September 2021, het verskeie vierballe aan Laerskool M.L. Fick se gholfdag deelgeneem. Die baan was vol geborg met “watergate” wat dit die moeite werd gemaak het vir die gholfspelers.

“Ons bedank graag al ons putjie-borge. Julle ondersteuning en gees word opreg waardeer. Die eet- en drinkgoed was tops. Ons bedank ook graag elke ander borg wat bygedra het tot die sukses van die dag. Dankie ook aan Potch-Buiteklub vir die gebruik van die baan,” noem die skool.

“Laastens wil ons skool vir elke gholfspeler bedank vir hulle goeie gees en ondersteuning. Dit was ‘n heerlike dag en ons kon sien almal het die dag ten volle geniet.”

Laerskool M.L. Fick is dankbaar vir die 2de suksesvolle gholfdag wat kon plaasvind en sien uit na die volgende een in 2022.