Mari-Louise van Zyl van Potchefstroom Gimnasium het die enkel en dubbels by die Growthpoint Top 8 tennistoernooi in Durban gewen.

Sy het die vroue ope finaal in die enkelspel met 7-6 6-3 teen Kaitlyn Ramduth van KZN gewen. In die dubbels wen Van Zyl en Line Greyling met 6-7 6-3 10-7 in die supertie.

Haar sussie, Jahnie, wys ook haar talent met ‘n 6-2 6-3 oorwinning teen Liza-Marie Du Toit (Wes-Kaap) in die o.14 finaal.

Jahnie het die daaropvolgende KZN Pro Kennex Super 8 weer o.14 gespeel en ook gewen teen Nina Van Eeden van Wes-Kaap met 6-2 6-1 om haar konstantheid op die groot verhoog te bewys.

Jahnie is tans in graad 6 in Laerskool Mooirivier en het ook vir die SA o.12 tennisspan gekwalifiseer wat aan ‘n toernooi in Zimbabwe deelneem.